海關督察面試問佔中

【明報專訊】自港大法律系副教授戴耀廷等人發起「佔領中環」爭普選後，警方喺唔同場合都畀人問會點處理「佔中」，點知另一個紀律部隊海關原本唔使處理「佔中」，最近都同佔中拉上關係。


海關：討論熱門時事

Emily噚日睇到有報道話，海關最近喺投考督察嘅面試，喺小組討論環節問考生﹕「佔中能否迫使中央落實普選？」Emily聽到都打個突，究竟考生點答先會獲取錄呢？

Emily問咗海關，海關只係答話係小組討論問熱門時事議題，考生可表達不同意見，亦可讓其發揮組織、溝通同表達能力。


做過保安局長嘅新民黨主席葉劉淑儀就話，題目係要測試考生分析力，考官通常無預設答案，考生支唔支持佔中都可以隨便表達立場喎。唔知考生跟住葉太嘅貼士去答，會唔會獲取錄呢？