商界簡約慶祝國慶

【明報專訊】每年國慶煙花都有商會贊助，不過，由於上年國慶日發生南丫島海難，特首梁振英早前宣布今年暫停國慶煙花，噚日工商界舉行國慶籌委會記者會，公布國慶活動，四大商會都有代表出席，今年國慶活動相對比較簡約，只舉行國慶酒會同喺中總大廈外掛出大型掛畫。


中華總商會會長楊釗噚日宣布，工商界會喺9月12號中午喺香格里拉大酒店舉行國慶酒會，9月同10月就會喺中總大廈外掛畫，而參加酒會嘅嘉賓就要600蚊買襟牌。中聯辦副主任殷曉靜噚日亦出席同發言，會後被問到對佔中睇法，佢話佔中係不得人心、違法，唔符合香港法治精神，工商界應表達意見。