政黨抗議 領匯女保安坐地喊「好痛」

【明報專訊】旺角海富街市商戶遭逼遷，梁國雄同埋公民黨王德全（地上右邊）等，噚日去領匯位於觀塘商業大廈嘅辦事處抗議。佢哋想上樓去搵領匯人員理論，但大廈保安人員阻攔，將王德全推跌門外，但唔知點解，有個女保安員（地上左邊）跟住佢坐喺地下，擘大喉嚨高喊「好痛！好痛！」


呢位女保安話腳傷，要召白車送院。王德全事後話一頭霧水，因為明明喺佢畀男保安員推跌，點解會有一名女保安員倒地。佢哋嘅抗議都有少少成效，領匯嘅人員願意今日去街市同商戶傾租約問題，商戶就希望領匯可以畀佢哋延期遷出。