新聞類別
娛樂
詳情#
【明報專訊】《衝上雲霄II》開播初期，型爆的「Cool魔」張智霖搶盡風頭，近期主線戲落在「Sam哥」吳鎮宇身上，連場懷念亡妻蘇怡（胡杏兒飾）的好戲，贏盡網民讚賞。Sam哥前晚再展型男魅力，連環冧女，他先被小儀從後攬實，他溫柔輕拍小儀的手安慰。之後為了克服面對貌似蘇怡的夏晨，Sam哥整蛋糕與夏晨約會，幫手執屋，又單腳拉二胡演奏生日歌，令壽星女Holiday（陳法拉飾）又喊又笑。這集Cool魔無戲，Sam哥獨領風騷。
小儀胸壓Sam哥
小儀在微博貼上攬實Sam哥的照片，還叫大家不要妒忌。「今晚好多人送呢張相畀我？唏！唔好葡萄我！我同Sam哥係好朋友啫！係交心嘅好朋友，冇愛情成分。OK！Sam哥仲係你哋嘅，放心！」Sam哥在該集尾段自讚：「chok呢個字用喺我身上唔啱，後天不足先叫做chok，我呢啲先天就係咁，改唔到！」網民嘲笑Sam哥暗窒以chok聞名的林峯。
《衝II》前晚平均收視31點，最高32點，Holiday被發現有穿崩位，她穿著制服參加單車訓練時，被發現右邊膊頭的肩章調轉戴。
《情逆三世緣》被指暗示六四
另一線劇集《情逆三世緣》，歐陽震華飾演的包青天到有傳染病的村莊，見士兵濫殺村民後他說：「不派大夫入村救人仲血腥鎮壓？」令網民聯想到暗示六四事件。
文：娛樂組
回應 (0)
