阮兆祥「雙柚」慶中秋

【明報專訊】阮兆祥當年參加《新秀歌唱大賽》加入娛樂圈，轉眼今年是他入行踏入第30年，他決定12月於伊館舉行演唱會慶祝，名為《阮兆祥2013一祥朋友演唱會》。


阮兆祥在圈中人緣甚佳，完成開騷心願又可以跟老友邊玩邊唱，不少好友爭着做嘉賓，他說到時不論坐着做定企着做，都一鋪曬冷。


早前祥仔拍攝宣傳照，攬着穿大露背晚裝的靚女模特兒，十分好艷福。其中一個指定動作要他將手放在女模特兒的「八月十五」上，適逢中秋節快到，他靈機一觸一手摸住「籮柚」，一手拿着碌柚，預祝中秋節快樂！


記者﹕葉靜文