胡楓爆謝賢常煲電話粥

【明報專訊】謝賢（四哥）、胡楓（修哥）及Joe Junior早前一同出發，遠赴西班牙及葡萄牙拍攝台慶巨獻旅遊節目《三個小生去旅行》。四哥缺席昨日記者會，播出片段後由修哥和Joe Junior分享旅程難忘事及搞笑經歷，修哥直言想添食，主動向節目監製提議下次拍《三個小生去郵輪》。


承認旅程出現拗撬

年屆81歲的修哥和67歲Joe Junior透露，旅程中要親自推行李、下廚、睡火車、住青年旅舍及洗衫，都是很好體驗，最難忘去鬥牛場和參觀當地著名旅遊景點，見識古蹟和宏偉建築。問三人有否出現拗撬？修哥笑笑口答：「有拗撬在所難免，幸Joe很照顧我，例如斟熱水和上落車攙扶，最好笑是他常猜輸包剪揼，要睡上格牀。」修哥拍攝期間因懶牀遲到，爆老友四哥姿整貪靚，一早起身梳洗打扮卻準時；再爆四哥常細聲傾電話，但不知跟誰通話。三位小生行程緊密，遇上旅客粉絲被邀合照，其中有型四哥最受女生歡迎，吸引一班德國女學生主動埋身打招呼。


指阿叻言論屬戲言

有傳陳百祥（阿叻）聯絡一班資深演藝人參加有特首梁振英出席的飯局，修哥稱不知情，亦未有獲邀去飯局，他只跟多年老友如曾江、蕭芳芳、白雪仙等敘舊聯誼。對阿叻的「TVB台慶如得2點收視死咗佢」言論，修哥認為只是戲言，不必太認真，更堅信不會只得2點收視。至於有人發起台慶夜熄電視行動，他不願置評。


記者：林蘊兒