伯明翰股價異動

【明報專訊】英超球隊伯明翰上個球季表現突出，今季開波以來，仍繼續保持水準，至今已1勝3和，未輸過，排名第5位。最近一場比賽，以零比零同利物浦打成平手。伯明翰表現咁好，噚日控股公司伯明翰環球（2309），股價曾經一度飈升21％，收市升幅收窄，仍然升9.4％至0.29元，成交金額都有6000萬元。

小琴原本以為係球隊嘅表現為股價冲喜，之但係公司噚日收市之後出咗個通告話，家有個收購傾緊，但洽談仍處於很初步嘅階段，未必會落實咁話。睇來，球隊表現並非股價異動嘅真正原因，有收購計劃先至係關鍵。