基金經理為慈善 重槌出擊

【明報專訊】噚日，有班基金經理及賓架，戴住拳套喺中環好似想打架咁。原來佢哋係參加第四屆「對冲基金拳擊之夜」（Hedge Fund Fight Nite）嘅選手。呢個慈善拳擊比賽，共有超過40位來自金融界嘅勇士報名，家淘汰剩20個。呢20位業餘拳擊手，將接受專業拳擊手地獄式訓練，10月28日會於香港大球場正式搏鬥。門票已公開發售，一圍12個嘅晚餐售價由1.8萬元起，上年成功籌得近一百萬港幣作慈善用途，款項捐畀微笑行動和奮進行動。如想知道更多詳情，請瀏覽www.ironmongerevents.com。圖為兩位參賽者示範拳擊動作。

（陳淑安攝）