劍橋水 香港有得賣 飲咗會聰明啲？

【明報專訊】長江基建（1038）喺6年前收購咗英國嘅Cambridge Water，該公司除了在南劍橋郡供應自來水外，還有一樣副業係生產純天然礦泉水，品牌叫Iceni。事隔6年，長建終於把這支水引來香港，喺百佳、TASTE等超市都有得賣。

聽長實系嘅老友講，這支水採自南劍橋郡郊區地下245呎岩層，係高鈣低納飲品，含有鉀、鎂等人體必須微量元素。小琴最關心嘅係飲咗係唔係會醒啲？老友無直接答，不過，就引述了劍橋大學副校長在回應為何該校學生成績優異時說：「一定歸功於他們日常飲用的食水吧。」這位副校講真定講笑，小琴就無從稽考。