新聞類別
財經
詳情#
【明報專訊】曾經私下向政界人士透露「唔選咪好嘥料」嘅葉劉淑儀，近日搞咗個「海上絲綢之路協會」，同陳智思一齊做執行主席，呢種行孖必方式幾好，唔知邊個先係真正去馬之人，以防被黑材料打殘。政界中人還吹水，話陳智思會做葉劉個政務司長。筆者唔係好信，葉劉自從政改甩轆兼做喊包事件後，行情即被看淡，今次用「一帶一路」呢四個字包裝吓，搵到幾個大孖沙支持並唔難，但唔代表乜嘢，佢同陳智思邊個係「莊」，邊個係「閒」，睇定啲先啦。
有記者問葉太選唔選時，佢懶風趣話「選咩？選美一定無行。」呢位阿太唔好玩啦，選特首隨時「無行」過選美呀﹗選美呢家野，只要面皮夠厚，魯芬都可以參選，但特首就唔係想就得。
選特首難過選美
講到行情，財政司長曾俊華呢期人氣急升，睇完曹星如打拳，前晚再去旺角大球場撐港隊，筆者面書都遭到洗版，當晚港隊在完場前連入兩球，實在令人振奮，坦白講，開心過李麗珊攞奧運金牌。際此重要時刻，財爺站在港人一邊，實在好識得點樣投其所好。點知方丈好小器，梁特於賽後發表題為《港隊雖敗猶榮》網誌，但好多網友質疑梁特根本唔敢現身大球場，人不在係蝕底啲，今鋪邊個入波，邊個在場外做後備，清楚不過。
董倘失地位 大孖沙呻笨
當年把一個後備捧為正選的老董，今次有無得再做King Maker就添了變數。老董一直以推動中美關係為賣點，爭取領導人信任，但點知今個月底習大大首次以國家主席身分到美國進行國是訪問之隨行名單上，竟然沒有老董個名，好聽就體恤你年事已高，不用赴美，說白就係「唔使靠你」﹗老董舊年大鑼大鼓成立團結香港基金，仲想捧埋梁錦松做Plan B，但無論佔中同政改，老董呢個老好人角色，根本發揮不了作用。要團結香港，不及一場球賽來得有效、直接。所以佢今次無得訪美，惹來外間諸多揣測。筆者相信，假如老董地位漸失，一眾曾相信「幫阿爺搞外交」、「在港搞好青年工作」等籌款原因而被揼心口嘅大孖沙，應該會最為呻笨。
當部分大孖沙開始就跑馬仔落注時，甚至紛紛泵水落唔同陣營的智庫同組織，最大粒嗰位似乎最氣定神閒，無他嘅，唔理邊個做特首，佢都繼續做大刁。內地經濟倒退迹象愈見明顯，A股大跌之時，大家才驚覺誠哥真係有先見知明，懶理「撤資」指控，集團再來一次重組大計，長建（1038）併電能（0006），澤鉅「BB」笑到見牙唔見眼，小股東都可以有5元特別息，在跌市中簡直係久旱逢甘露，筆者有理由相信，嗰位形容小超係「BB」嘅記者，好有可能係持貨嘅。
[應正亮 廿四味]
有記者問葉太選唔選時，佢懶風趣話「選咩？選美一定無行。」呢位阿太唔好玩啦，選特首隨時「無行」過選美呀﹗選美呢家野，只要面皮夠厚，魯芬都可以參選，但特首就唔係想就得。
選特首難過選美
講到行情，財政司長曾俊華呢期人氣急升，睇完曹星如打拳，前晚再去旺角大球場撐港隊，筆者面書都遭到洗版，當晚港隊在完場前連入兩球，實在令人振奮，坦白講，開心過李麗珊攞奧運金牌。際此重要時刻，財爺站在港人一邊，實在好識得點樣投其所好。點知方丈好小器，梁特於賽後發表題為《港隊雖敗猶榮》網誌，但好多網友質疑梁特根本唔敢現身大球場，人不在係蝕底啲，今鋪邊個入波，邊個在場外做後備，清楚不過。
董倘失地位 大孖沙呻笨
當年把一個後備捧為正選的老董，今次有無得再做King Maker就添了變數。老董一直以推動中美關係為賣點，爭取領導人信任，但點知今個月底習大大首次以國家主席身分到美國進行國是訪問之隨行名單上，竟然沒有老董個名，好聽就體恤你年事已高，不用赴美，說白就係「唔使靠你」﹗老董舊年大鑼大鼓成立團結香港基金，仲想捧埋梁錦松做Plan B，但無論佔中同政改，老董呢個老好人角色，根本發揮不了作用。要團結香港，不及一場球賽來得有效、直接。所以佢今次無得訪美，惹來外間諸多揣測。筆者相信，假如老董地位漸失，一眾曾相信「幫阿爺搞外交」、「在港搞好青年工作」等籌款原因而被揼心口嘅大孖沙，應該會最為呻笨。
當部分大孖沙開始就跑馬仔落注時，甚至紛紛泵水落唔同陣營的智庫同組織，最大粒嗰位似乎最氣定神閒，無他嘅，唔理邊個做特首，佢都繼續做大刁。內地經濟倒退迹象愈見明顯，A股大跌之時，大家才驚覺誠哥真係有先見知明，懶理「撤資」指控，集團再來一次重組大計，長建（1038）併電能（0006），澤鉅「BB」笑到見牙唔見眼，小股東都可以有5元特別息，在跌市中簡直係久旱逢甘露，筆者有理由相信，嗰位形容小超係「BB」嘅記者，好有可能係持貨嘅。
[應正亮 廿四味]
留言 (0)
