Netflix殺到 小小超未驚過

【明報專訊】Netflix前日宣布明年初進軍華語市場，加上樂視近排來勢洶洶，由於性質接近，睇嚟一場收費電視大戰在所難免，不過小琴聽講，「小小超」李澤楷（圖）旗下nowTV就未驚過，就算近日盛傳手上「王牌」英超可能會被搶走，但佢哋近年主力靠電影同電視劇食糊，仲有超過190條頻道喺手，唔係咁易撬郁到佢哋啲客喎。


老友同小琴講，雖然Netflix同樂視都係主打4K高清播映，但而家香港已幾乎無晒無限上網，4K好易食晒數據用量，兩間公司已經無咗喺街上面睇劇嘅優勢。


其實講到底，近年煲劇先係王道，以前電視劇同綜藝節目版權好零散，互聯網一個電視又一個咁，不過而家播映商通常都會一次過買起晒，好似《紙牌屋（House of Cards）》、《蒙面歌王》呢啲節目，家香港都係now擁有播映權，所以要分高下就睇吓邊個揀劇有眼光啲啦。


email: [email protected]

[小琴密語]