公民黨兄弟姊妹 豪飲歡送湯家驊

【明報專訊】「民主思路」湯家驊（Ronny）已宣告10月離開立法會，亦已經退出公民黨，但似乎佢跟黨內一啲兄弟再見亦是朋友。Ronny上周去開泛民飯盒會時，因為被前黨友梁家傑請離會議室，雙方爭吵，事後Ronny好無癮。不過，Ronny噚日喺facebook出post，話公民黨嘅朋友係有情有義，指「儘管公民黨領導層對我有一種莫名的敵意」，但前晚新東支部一眾20多名兄弟姊妹，都一齊去「歡送」佢脫離公民黨、退出立法會。Ronny又話，大家好高興咁飲咗20幾支紅酒，杯都用盡，大家就改用碗嚟飲酒，夠晒豪氣。