新聞類別
副刊
詳情#
【明報專訊】Happy Mama本來諗住閉關，點知又「身痕」，事關下周一對好多家長來講係大日子，2016-17年度小一自行分配學位申請由下周一開始。如果你有仔女明年9月升小一，就要選定一間心儀小學，將小一入學申請表格連同證明文件於9月25日前交回學校。
分數高 跨區選校值得一試
雖則自行分配學額係計分遊戲，愈高分勝算愈大，但要一擊即中，仍然大有學問。Happy Mama同明報教育組前組長梁永樂傾過，他認為只要跟學校有密切關係（即分數高），即使跨區也值得一試。不過即使你有25分，但想選有歷史的名校如喇沙呢一類，人家舊生多、兄姊在校人數又多，成功機會都只係一半半。
有好多家長都擔心，如果跨區選校，萬一將來要叩門，豈不是損失「三條一」的誠意分？阿樂指學校在自行分配階段會撥出50%學額，機會並非渺芒；到統一派位時，家長仍可於甲部填寫跨區學校，加埋都有兩條一，都不難顯示出誠意，况且以往非「三條一」叩門成功的個案亦大有人在，故毋須擔心太多。當然，佢話最理想是心儀學校在本區，咁就乜都唔使諗，自行、統一階段都揀定佢。Happy Mama明白世事冇咁完美，想以搬家增加勝算，最遲要在統一派位前搬好，仲要記得去教育局辦理更改地址手續。
教育副刊加料 有請方健儀
除咗小一入學，今期Happy Mama又八到單好料，就係《明報》小學教育副刊今年又會加強資訊內容，好似小學教育副刊《常識學堂》及《常識天下》，新學年會加入更多新內容，幫助學生建構基本知識、擴闊視野；另外會強化Smarties' Power English及《智叻中文Smarties'》內容，以趣味形式鼓勵學生學文法、識生字、認識中華文化。
當然為幫助中學生係中文科和通識科爭取好成績，本着「通識．語文融會貫通」的原則，新學年嘅《語文同樂》及《通通識》教育副刊，亦會加強內容，幫助學生掌握更多時事社會多方面知識，增加摘星機會。Happy Mama都係唔好咁長氣啦，留返畀靚女前新聞主播方健儀為大家介紹《明報》教育副刊最新內容啦，去片！
■小學教育副刊介紹Video﹕link.mingpao.com/29264.htm
■中學教育副刊介紹Video﹕link.mingpao.com/29263.htm
分數高 跨區選校值得一試
雖則自行分配學額係計分遊戲，愈高分勝算愈大，但要一擊即中，仍然大有學問。Happy Mama同明報教育組前組長梁永樂傾過，他認為只要跟學校有密切關係（即分數高），即使跨區也值得一試。不過即使你有25分，但想選有歷史的名校如喇沙呢一類，人家舊生多、兄姊在校人數又多，成功機會都只係一半半。
有好多家長都擔心，如果跨區選校，萬一將來要叩門，豈不是損失「三條一」的誠意分？阿樂指學校在自行分配階段會撥出50%學額，機會並非渺芒；到統一派位時，家長仍可於甲部填寫跨區學校，加埋都有兩條一，都不難顯示出誠意，况且以往非「三條一」叩門成功的個案亦大有人在，故毋須擔心太多。當然，佢話最理想是心儀學校在本區，咁就乜都唔使諗，自行、統一階段都揀定佢。Happy Mama明白世事冇咁完美，想以搬家增加勝算，最遲要在統一派位前搬好，仲要記得去教育局辦理更改地址手續。
教育副刊加料 有請方健儀
除咗小一入學，今期Happy Mama又八到單好料，就係《明報》小學教育副刊今年又會加強資訊內容，好似小學教育副刊《常識學堂》及《常識天下》，新學年會加入更多新內容，幫助學生建構基本知識、擴闊視野；另外會強化Smarties' Power English及《智叻中文Smarties'》內容，以趣味形式鼓勵學生學文法、識生字、認識中華文化。
當然為幫助中學生係中文科和通識科爭取好成績，本着「通識．語文融會貫通」的原則，新學年嘅《語文同樂》及《通通識》教育副刊，亦會加強內容，幫助學生掌握更多時事社會多方面知識，增加摘星機會。Happy Mama都係唔好咁長氣啦，留返畀靚女前新聞主播方健儀為大家介紹《明報》教育副刊最新內容啦，去片！
■小學教育副刊介紹Video﹕link.mingpao.com/29264.htm
■中學教育副刊介紹Video﹕link.mingpao.com/29263.htm
留言 (0)
