小加不「小家」 股代息僅袋百萬

【明報專訊】港交所（0388）上月推出嘅「以股代息」計劃風聞唔係咁好，畀人話因為股價低殘，吸引小股東揸住多啲貨以托高股價。小加總裁（圖）百辭莫辯，唯有身體力行，親自參與以股代息。


聯交所噚日披露，李小加今日增持咗6234股港交所股份，條數咁零丁，又唔講每股增持價，小琴估計係因為以股代息。咁啱港交所就公布，噚日根據以股代息計劃發行1110萬股股份，發行價為每股169.404元，較港交所星期三嘅收市價折讓7.83％。


為咗支持公司，李小加今次絕對唔「小家」，因為以佢本來持股約57.8萬股，每股收息3.08元，佢本可淨袋178萬現金。


但參加咗以股代息，以港交所噚日收市價181.9元計算，李小加呢批新增嘅持股，市值只係113.4萬元。


[小琴密語]