民主黨區選誓師 卿姐缺席無損士氣

【明報專訊】民主黨噚日喺太子明愛中心舉行區議會誓師，黨內上下逾百人傾巢而出，除咗區議會選舉候選人，黨內元老級人馬包括創黨主席李柱銘、中委張文光、現任黨高層同一眾地區支持者都出席撐場，不過就竟然唔見咗黨主席劉慧卿。副主席羅健熙話，卿姐唔喺香港所以無法出席，但影響唔大，因為卿姐一向都好撐黨友。


唔少黨友都係噚日先知卿姐無法出席，有黨員話大家都忙於區議會選舉，所以都唔多理卿姐。


卿姐噚日雖然無去，但Emily現場所見，民主黨上下都好好士氣，叫口號都特別大聲。羅健熙話，特別安排黨內年輕人喺誓師中分享，希望讓大家知道民主黨係一個年輕政黨。