前黨友擬對撼 稱唔怕

【明報專訊】昔日栽培重點 稱對方清楚自己想法

民協馮檢基前日突然暫緩區議會選舉報名，因為前黨友兼前區議員黃仲棋近日突然表明考慮出選深水埗麗閣選區，仲要求阿基讓路去其他區參選。阿基噚日見記者講解當下形勢，佢話黃仲棋喺1990年代初係民協重點栽培嘅人，因此「馮檢基嘅想法、策略、構思，佢（黃仲棋）好清楚」。阿基講到黃仲棋好似「馮檢基2.0」咁嘅款，難怪阿基慨嘆一句：「最大嘅敵人係自己老友變成自己嘅敵人。」


阿基話，呢兩日同街坊、黨友商討後，佢哋都擔心面對黃仲棋出選嘅話，阿基會輸。至於會唔會讓路，阿基話自己喺麗閣12年，對區內所有人同事物都有感情。佢話區內嘅老鼠同木蝨問題，都係民協爭取去幫助居民。


不考慮參選明年立會九西區

工聯會陳穎欣已經報名喺深水埗麗閣選區參選，面對昔日自己人同建制派對手夾擊，阿基話參加選舉多年來，未試過被左右夾擊得咁勁，但佢話「有人