內地女人網購名牌 不跌反升

【明報專訊】幾時都話女人錢最好搵，無論時代點變，呢句說話都係真理。雖然全世界甚至中國都話經濟唔好，但畢馬威昨日發布的調查報告顯示，中國網民尤其係女網民嘅消費力依然驚人，每筆奢侈品消費平均達2300元人仔，平均消費水平仲較去年升28%。而平均消費金額增長嘅類別中，手袋升咗109%，女裝升咗58%，就連化妝品都升咗18%，你睇你睇，全部都係女人嘢！


點解增長咁勁？當然都同依家科技進步好有關連，皆因智能手機買嘢話咁易。畢馬威調查發現，52%嘅消費者係用手機去網店，遠遠多過電腦嘅37%。畢馬威中國客戶和創新事務合伙人查瑋亮都話，中國消費者最常用嘅網購設備已經由電腦變成智能手機，皆因夠方便就手，簡直就係為衝動消費而度身訂造！


email: [email protected]

[小琴密語]