新聞類別
財經
詳情#
【明報專訊】正所謂人有三衰六旺，最緊要低潮時有人扶起身。劉基穎呢個名大家可能比較陌生，但如果講「大劉」劉鑾雄同羅傑承（圖）就相信無人唔識，曾經係羅傑承生意partner嘅劉基穎，近排可能急需周轉搵財仔借咗500萬，但月息就低到得1厘，如果唔係朋友畀面，恐怕都好難攞到咁嘅息口。
創板股譽滿（8212）噚日公布，旗下財務公司向劉基穎批咗一筆500萬嘅3個月貸款，用月息1厘計，3個月利息都係15萬元左右，抵押品就係一間遊艇公司股權，睇番目前一般財仔貸款，就算同樣有抵押，息口都隨時要十幾廿厘，所以認真優惠。咁啱得咁橋，劉生有股份嘅遊艇公司愛斯麗今年申請創板上市被拒。搵番啲舊聞，早年羅傑承大搞飲食生意，其中一間「香港大排檔」當時就係伙拍劉生一齊開檔。去到2012年，「大劉」劉鑾雄同羅傑承齊齊捲入澳門歐文龍案，當時法庭文件指涉及土地交易嘅仲有劉基穎旗下嘅東基，事件發展至今真係令人嘆息。
[小琴密語]
創板股譽滿（8212）噚日公布，旗下財務公司向劉基穎批咗一筆500萬嘅3個月貸款，用月息1厘計，3個月利息都係15萬元左右，抵押品就係一間遊艇公司股權，睇番目前一般財仔貸款，就算同樣有抵押，息口都隨時要十幾廿厘，所以認真優惠。咁啱得咁橋，劉生有股份嘅遊艇公司愛斯麗今年申請創板上市被拒。搵番啲舊聞，早年羅傑承大搞飲食生意，其中一間「香港大排檔」當時就係伙拍劉生一齊開檔。去到2012年，「大劉」劉鑾雄同羅傑承齊齊捲入澳門歐文龍案，當時法庭文件指涉及土地交易嘅仲有劉基穎旗下嘅東基，事件發展至今真係令人嘆息。
[小琴密語]
留言 (0)
