學聯錯寫「唇寒齒亡」 網民笑「學界樹根」

【明報專訊】唔少學生都笑民建聯立法會議員鍾樹根中文唔好，不時講錯成語，好似「子烏虛有」、「雞毛鴨蒜」呀咁；噚日有網民就發現學聯一張放喺中大嘅易拉架大大隻字寫住「大專學校唇寒齒亡（正確應是「唇亡齒寒」）」，笑學聯係「學界鍾樹根」、「學聯樹根化」。學聯成員同Emily承認寫錯，已全面回收有關易拉架。


見到學聯出錯，反佔中專頁「幫港出聲」趁機鬧學聯，話貽笑大方之餘，只能說明家嘅大學學生會搞手，「除了識得暴衝和品格低下（如馮敬恩之流）外，知識其實貧乏得可憐，窮得只剩下佔中和爆料」。


網民留言都係以取笑學聯為多，有人稱「你哋笑學聯！你哋係鬼！共產黨最高興！」亦有人話「雞毛鴨蒜之事都攞出嚟講」。