張曉明陪社團上深圳 參觀創新產業

【明報專訊】新界社團領袖考察團一行50人噚日去咗深圳，考察參觀深圳市創新科技產業發展，中聯辦主任張曉明罕有陪同前往，隨團記者當然把握機會問張主任港大委任副校長風波，但張主任就無回應到，一心了解深圳嘅科技發展。


考察團上午先到位於深圳東部嘅比亞迪公司參觀電動車發展，下午轉往華為公司了解電訊發展，最後考察團去咗深圳前海，聽取深圳市科技創新委官員介紹該市科技發展情况，深圳市委書記馬興瑞亦出席介紹會。


代表團團長、廣東社團總會主席陳永棋參觀完話，此行令佢大開眼界，仲感觸咁話，香港近年政治爭拗不斷、經濟原地踏步，今年深圳嘅GDP將會超過香港。