新聞類別
財經
詳情#
【明報專訊】樂視呢排攻勢甚猛，無論香港定內地都好多嘢搞，一般員工辛苦自然唔在講，連董事長兼首席執行官賈躍亭，都傳因為捱到體力透支而要住院。噚日多間內地媒體都有報道，佢近排因為工作勞累過度，導致身體透支，因而錯失埋同國家主席習近平一起出訪英國嘅機會"口添"，而且消息傳開後，樂視股價仲要跌停，簡直百上加斤。
相關人士話，賈躍亭近排因為籌劃樂視新品發布會以及樂視投資易到用車，忙到癲，身體撐唔住，只好取消英國行程。唔單止錯失同國家主席習近平一齊出訪英國嘅機會，就連同英國豪華汽車生產商阿斯頓馬丁傾進一步傾合作機會都錯過咗。
不過，雖然賈躍亭的確肩負重任，不過咩工作都不如自己身體重要啦，就好似歌唱嘅，輸了你，贏了世界又如何？輸了身體，贏了世界又如何？
[小琴密語]
留言 (0)
