王健林：有錢人多數是好人

【明報專訊】噚日福布斯公布最新內地富豪榜，大連萬達嘅董事長王健林（圖）就以300億美元身家，響阿里巴巴董事長馬雲手上搶番個首富寶座返來，第三名就係騰訊（0700）主席馬化騰。


講真句，近呢兩年內地首富排名其實真喺冇乜睇頭，唔係王就係馬，係年初跑出個李河君叫有啲新鮮，但都只係曇花一現。不過王健林響福布斯中國富豪榜發布會上個致辭就比個排名榜更具話題。


點解咁講？因為王健林提供咗衡量一個人嘅標準畀大家，佢話好人定義係「有錢是好事，有錢的人，特別是相當有錢的人，其中的大部分是好人」；至於人品，「能賺到錢說明有本事，但是如何賺到錢和賺到錢後如何花錢，這就有品格之分。」王健林無解釋「有錢=好有可能係好人」嘅邏輯，小琴只有默默接受。


email: [email protected]

[小琴密語]