同學仔設計 昂坪員工換制服

【明報專訊】昂坪360邁向10周年，員工下月1日起換上全新設計嘅多功能制服，以活力形象示人。昂坪360話要支持本地創意工業，所以喺2013年與理工大學紡織及製衣學系合辦「昂坪360員工制服設計比賽」，經過設計、甄選，問埋員工意見，最後朱容慧同學嘅作品勝出，贏得3.6萬元現金獎。


新制服以「纜車世界」為主題，以藍色及綠色為主調，切合360「愛上藍•戀上綠」嘅主題。上衣設計融入咗纜車嘅六角形狀，腰間位置以深藍色點綴，有修身效果。夏季上衣採用100%純棉質料，冬季上衣用100%聚酯纖維，兩種物料均吸濕快乾及防風撥水，啱晒戶外工作員工。