報錯反對十號幹線 TVB向民主黨道歉

【明報專訊】上星期五有船撞到汲水門大橋，搞到要封橋檢查，令大嶼山變「孤島」，無綫（TVB）第二日就有個報道，話2002年時政府曾經提出興建北大嶼山至元朗公路嘅十號幹線，但就話「當時民建聯及自由黨認為沒有需要建新路，公民黨及民主黨亦反對」，結果引發民主黨、民建聯都先後去信，要求TVB澄清。


當年卿姐仲喺前綫 公民黨未成立

民主黨問題就比較簡單，因為當日投票紀錄清楚顯示，當年民主黨議員好似張文光等，都係投票支持項目；現時嘅黨主席劉慧卿雖然反對，但佢當時仲喺前綫，根本唔係民主黨人。而於2002年時，公民黨更加未成立