新聞類別
財經
詳情#
【明報專訊】阿爺兩個月前讓人民幣貶值，令不少港人遭殃，但其實事件嘅影響，仲未完全浮現。事緣唔少企業睇好人民幣只升不跌，買入不少人民幣兌美元嘅衍生工具，誰不知CNY（人民幣在岸價）突然出現大幅貶值，唔少企業老闆輸身家，損失以億元計，據聞有人要按樓還債，否則難逃被銀行清盤命運。
事實上，早於早兩個月，自從I.T（0999）因為炒燶人民幣搞到要發盈警，唔少廠佬炒燶CNY呢個消息，已經喺一班中小企老闆之間流傳，而出事嘅合約，清一色都係人仔兌美金嘅衍生工具，性質有啲似2008年嘅雷曼accumulator，本地唔少銀行都向企業客戶推銷人民幣（CNY）匯率前景會繼續升，推出不同產品例如USD/CNY Target Redemption Forward、USD/CNY Ratio Par Forward等等，呢啲產品嘅原意只為提供對冲，但貪心嘅廠佬見到可觀回報，又點會唔瞓身?
貪心廠佬瞓身炒
據路邊社消息，不少老闆落了重注買呢啲TRF/RPF，點知全部中晒伏，有人損失更以十億元計，筆者有飯腳就數手指一算，一個老闆輸十億，咁多人中伏，加加埋埋整條爛帳咪隨時過百億？銀行作為賣方或中間人，當然亦聞到燶味，據講已經開咗圓桌會議傾點收科，有關方面亦都同政府、金管局嗌救命，希望監管機構可以高抬貴手，以免銀行被督促追數，或容許班債仔將物業額外加按套現還債，否則一旦爆煲，到時不單只個客走投無路要清盤收場，銀行亦難免要為一大筆壞帳做撥備，所有人全輸。
銀行已做準備 避波及成災
廠佬玩得呢啲槓桿產品，點都算係專業投資者，炒燶外匯與人無尤，總不能好似當年迷債一樣，當正自己係阿毛，上街示威要政府打救。但如果今次情况真係如外界描述般慘烈，有公司最後要清盤執笠收場，以今時今日經濟環境嚟講，影響都係可大可小。
噚日最爆嘅新聞，肯定係李國章喺港大校委會內嘅發言錄音流出，筆者當然唔執輸上網重溫，唔聽由自可，一聽真係全身乜都滾晒！因為難頂嘅並不是李國章一個人（佢難頂筆者早已心中有數），而係背後有份一齊訕笑嘅社會賢達！
政治攻訐將愈演愈烈
長久以來，筆者最怕就係「社會賢達」，呢種人的特徵一般都相當明顯：鏡頭前道貌岸然，說話搶盡道德高地，背後其實跟一般人沒兩樣，都係一樣舔盡好處，見風轉舵，在權力面前當然亦只有奉承！
今次港大事件，馮敬恩學弟將這群躲在大門後面的「社會賢達」抽出來鞭撻，當然大快人心，但香港弄到今日如斯田地，只能夠想像未來的政治攻訐只會愈演愈烈，而新生代的行為亦只會愈做愈激，愈加不顧後果，香港人看着這場狂燒烈火，怎能不憂心？
[應正亮 廿四味]
事實上，早於早兩個月，自從I.T（0999）因為炒燶人民幣搞到要發盈警，唔少廠佬炒燶CNY呢個消息，已經喺一班中小企老闆之間流傳，而出事嘅合約，清一色都係人仔兌美金嘅衍生工具，性質有啲似2008年嘅雷曼accumulator，本地唔少銀行都向企業客戶推銷人民幣（CNY）匯率前景會繼續升，推出不同產品例如USD/CNY Target Redemption Forward、USD/CNY Ratio Par Forward等等，呢啲產品嘅原意只為提供對冲，但貪心嘅廠佬見到可觀回報，又點會唔瞓身?
貪心廠佬瞓身炒
據路邊社消息，不少老闆落了重注買呢啲TRF/RPF，點知全部中晒伏，有人損失更以十億元計，筆者有飯腳就數手指一算，一個老闆輸十億，咁多人中伏，加加埋埋整條爛帳咪隨時過百億？銀行作為賣方或中間人，當然亦聞到燶味，據講已經開咗圓桌會議傾點收科，有關方面亦都同政府、金管局嗌救命，希望監管機構可以高抬貴手，以免銀行被督促追數，或容許班債仔將物業額外加按套現還債，否則一旦爆煲，到時不單只個客走投無路要清盤收場，銀行亦難免要為一大筆壞帳做撥備，所有人全輸。
銀行已做準備 避波及成災
廠佬玩得呢啲槓桿產品，點都算係專業投資者，炒燶外匯與人無尤，總不能好似當年迷債一樣，當正自己係阿毛，上街示威要政府打救。但如果今次情况真係如外界描述般慘烈，有公司最後要清盤執笠收場，以今時今日經濟環境嚟講，影響都係可大可小。
噚日最爆嘅新聞，肯定係李國章喺港大校委會內嘅發言錄音流出，筆者當然唔執輸上網重溫，唔聽由自可，一聽真係全身乜都滾晒！因為難頂嘅並不是李國章一個人（佢難頂筆者早已心中有數），而係背後有份一齊訕笑嘅社會賢達！
政治攻訐將愈演愈烈
長久以來，筆者最怕就係「社會賢達」，呢種人的特徵一般都相當明顯：鏡頭前道貌岸然，說話搶盡道德高地，背後其實跟一般人沒兩樣，都係一樣舔盡好處，見風轉舵，在權力面前當然亦只有奉承！
今次港大事件，馮敬恩學弟將這群躲在大門後面的「社會賢達」抽出來鞭撻，當然大快人心，但香港弄到今日如斯田地，只能夠想像未來的政治攻訐只會愈演愈烈，而新生代的行為亦只會愈做愈激，愈加不顧後果，香港人看着這場狂燒烈火，怎能不憂心？
[應正亮 廿四味]
留言 (0)
