普選最有禮貌入境處人員

【明報專訊】入境處每年都會搞「禮貌運動」，今年又再來，Emily見入境處噚日出稿，話巿民喺嚟緊11月9至15日，經過10個出入境管制站時，可以投票畀「待客有禮」嘅入境管制人員，得票最多嘅入境管制人員，仲會獲旅遊發展局委任做「香港禮貌大使」。


得票最多成旅局「香港禮貌大使」

Emily心諗，現時出入境成日都行e-道，真係「見機多過見人」，無乜與入境處人員互動嘅機會。入境處原來都有留意到，提到旅客如果使用e-道時，認為有關人員協助旅客時服務可嘉，都可以投佢一票。Emily諗起，其實身邊不少朋友過關時都試過「打唔到指模」，或「畀出閘門卡住」，都係由在場嘅入境處人員救出。


投票方法好簡單，只要向入境處人員攞將投票表格，填妥資料如姓名、旅行證件或香港身分證號碼、日期及獲投票人員的姓名，放入櫃枱後面嘅票箱就得。