新聞類別
副刊
詳情#
【明報專訊】噚日選舉事務處上載咗區議會選舉嘅候選人簡介，Emily搵到唔少特別嘅人物同政綱，以前有人以捉老鼠而取得「鼠王芬」大名，而今次選舉中，深水埗麗閣選區候選人、工聯會「小花」陳穎欣更「進化」，喺政綱上第一條就寫明「我會改善環境衛生，除三害（蚊、木蝨及鼠）」。唔知麗閣係咪特別多蛇蟲鼠蟻呢，就連競逐連任嘅民協馮檢基，都喺政綱寫明會繼續爭取為受影響住戶解決木蝨問題。同區仲有黃仲棋參選。
石房有唔提反佔中
至於「10A港姐」麥明詩嘅緋聞男友林作，就喺政綱寫上「清洪 陶傑 全力推薦」。林作嘅政綱用咗佢同陶傑，以及助選團嘅合照做背景，以「重拾公義 摒除暴戾 以法助人 社區增值」為參選口號。Emily特登放大張合照仔細睇，唔見麥明詩嘅面孔。龍星區仲有4名候選人，包括前綫譚香文、獨立候選人岳敬寬及何偉權。
曾經喺反佔中運動中十分出位、被稱為「大波Man」嘅「忠義民團」成員石房有，出選北區御太，佢表明要改善當區水貨客問題，但就隻字不提反佔中。石房有話自己做過10幾年警察，駐守新界及住過北區，因此好熟悉當區民情。御太係其中一個建制派內訌嘅地區，當區有工聯會曾勁聰，同自由黨侯榮光參選。唔知石房有有無機會漁人得利？
石房有唔提反佔中
至於「10A港姐」麥明詩嘅緋聞男友林作，就喺政綱寫上「清洪 陶傑 全力推薦」。林作嘅政綱用咗佢同陶傑，以及助選團嘅合照做背景，以「重拾公義 摒除暴戾 以法助人 社區增值」為參選口號。Emily特登放大張合照仔細睇，唔見麥明詩嘅面孔。龍星區仲有4名候選人，包括前綫譚香文、獨立候選人岳敬寬及何偉權。
曾經喺反佔中運動中十分出位、被稱為「大波Man」嘅「忠義民團」成員石房有，出選北區御太，佢表明要改善當區水貨客問題，但就隻字不提反佔中。石房有話自己做過10幾年警察，駐守新界及住過北區，因此好熟悉當區民情。御太係其中一個建制派內訌嘅地區，當區有工聯會曾勁聰，同自由黨侯榮光參選。唔知石房有有無機會漁人得利？
留言 (0)
