蔡伯勵料明年香港一個字﹕靜

【明報專訊】特首梁振英（CY）個女梁齊昕，日前被影到喺街上掌摑媽咪唐青儀，又話自己唔係梁太嘅親生女，引起坊間熱烈討論。獲政府頒發金紫荊星章嘅堪輿學家蔡伯勵（圖），噚日出席一個公開活動時，被問到點睇齊昕一事，佢就話唔清楚特首家庭情况，唔敢隨便講嘢，亦都無算到特首嘅運程，因為「唔知流年」，即係唔知特首嘅時辰八字。


李健麟﹕2024買樓時機

年逾90歲嘅蔡伯勵，去年估計過政改有機會通過，而佢噚日喺活動上為香港占卦，佢預計香港社會未來一年會繼續爭持，但認為整體政經狀况會「平平常常」，形容2016年係「靜」。佢又提到獲頒金紫荊星章係虛銜，既然受勳都係一種光榮，會喺有生之年為社會做工作。


活動中風水學家李健麟亦幫香港算運，佢話2024年係買樓好時機，如果所言屬實，睇嚟Emily要去少啲日本，用呢9年時間儲錢等入市咯。