譚衛兒接任《南早》老總

【明報專訊】《南華早報》噚日出通告，話明年1月1日起，將會由副總編輯譚衛兒（圖）擔任總編輯，至於做過吉林省政協嘅總編王向偉，就因為家庭原因，會返北京同家人共聚，日後就會擔任「編務顧問」。


王向偉2012年起擔任南早老總，至今雖然只有3年，但已經算好長時間，皆因佢上任時，係南早近11年嚟第10個老總，即係差唔多一年換一個老總。


新任老總譚衛兒2011年底由亞視過檔南早，佢喺亞視擔任新聞部副總裁時，曾發生誤報前國家領導人江澤民死訊一事，無耐就去咗南早擔任高級編輯，翌年2月就升任副總編輯，可以話係平步青雲。