法政男神結婚了 娶「法律界周海媚」

【明報專訊】有法政男神之稱嘅《法政匯思》召集人梁允信（Wilson，右二）噚晚告別單身，喺四季酒店筵開40席，迎娶有「法律界周海媚」之稱嘅律師Rachel（左二），兩人可以話係郎才女貌。據講，Wilson好多政界同法律界女fans雖然有啲失望，不過都替佢哋開心。


《法政匯思》另一召集人文浩正爆料話，一對新人相識已近10年，但一直無擦出火花，直至女方3年前返香港發展事業，Wilson即力追對方，仲話雖然Wilson貴為法律界男神，但追Rachel時一樣要無比毅力先抱得美人歸喎。至於噚晚嘅婚宴，以簡約同綠色為主題，唔講排場同奢華，貫徹兩人嘅生活態度。