周日長者日 持長者卡開餐優惠多

【明報專訊】香港市民只要年滿65歲都可以申請長者卡，方便享用政府部門、公共機構、商號等提供嘅優惠，下星期日（15號）就係「長者日」，為咗向長者表達關懷同敬意，社署繼續籌辦「食肆優惠大行動」，邀請全港飲食業界於長者日為長者卡持有人提供特別優惠，參加商舖多達900間。


大型連鎖店可享九折

社署話900間參與食肆同店舖分佈18區，佢哋會喺當眼處貼出今次活動嘅海報，方便長者識別。唔少參與舖頭都係大型連鎖店，好似奇華餅家、譚仔雲南米線等，當日都會向老友記提供九折優惠，鴻星酒家就送壽包等。各位老友記想知道優惠詳情，可以登入網址（www.swd.gov.hk/doc/scco/List%20of%20companies%20SCD2015%202.pdf）。


社署1994年起推行長者卡優惠，至今已發出163萬張，有逾2400間商號、機構參與計劃。