阿里比堅尼銷量 成都超三亞

【明報專訊】噚日「雙十一」光棍節，打正旗號推優惠嘅阿里巴巴唔洗12個鐘就破曬交易額紀錄。不過小琴就比較好奇，究竟平時內地網民鐘意買咩？內地一個晚會節目就透露咗一組由阿里巴巴分析出黎嘅有趣數據，原來成都人最鐘意買比堅尼，銷售量更力壓擁有陽光與海灘嘅三亞，成為全國買比堅尼最多嘅「比堅尼之都」。


買虧佬褲 20至29歲最多

至於近年好多男人「驟忌」，心裡又熱衷穿著嘅「虧佬褲」，數據顯示，購買客戶入面，20歲至29歲竟然冠絕其他年齡層，年紀輕輕就佔買「虧佬褲」人口最大比例；而最令小琴驚訝嘅，則非書莫屬。原來內地網民對加強安全生產工作、防止及減少生產安全事故非常有興趣同著緊，紛紛買《中華人民共和國安全生產法》睇，令佢成為天貓上銷量最高嘅書，不過小琴就難免壞疑，本書究竟係教緊人安全地生產啲乜。


email: [email protected]

[小琴密語]