下月亞洲玩具展 孖玩具銀行做慈善

【明報專訊】第二屆亞洲玩具展下個月18至20號喺九龍灣國際展貿中心舉行，大會連續兩年都有同慈善機構合作；今年就孖住基督教青年會嘅「玩具銀行」，舉辦連串活動，包括設立玩具收集箱，捐出玩具嘅人場者可獲指定遊戲機店嘅50元現金券。另外，展內亦舉行玩具慈善拍賣，邀請基層家庭小朋友到場參觀，亦會送玩具同聖誕禮物畀佢哋。


玩具展展館將由舊年一個擴展至今年兩個，參展攤位數目增加六成至180個，有本地、台灣、泰國、日本及韓國參展商。


設扭卡機 拾童年回憶

除咗慈善賣點外，主辦機構How Amazing Company Limited覺得，閃卡喺不少香港人嘅集體回憶，所以會喺大會展位設置扭卡機，入場者可以憑門票，免費扭唔同嘅大會紀念版玩具閃卡或插畫閃卡，重拾童年回憶。