阿董交流基金會旗下 中美聚焦網啟動

【明報專訊】全國政協副主席、前特首董建華上年成立團結香港基金，但其實佢另一個好重要嘅基金「中美交流基金會」，已經運作咗好耐，只係一直比較低調，大家認知唔多。而噚日中美交流基金會就浮上水面，開設網站「中美聚焦網」，係首個專注中美關係嘅中文智庫平台。


基金會話，網站建基香港，於中、美、港三地同步運作，為全球中文讀者設立注重客觀、中立同平衡嘅網站，旨在向全球中文讀者提供探討中美關係嘅平台。網站涵蓋外交策略、經濟金融、軍事安全、能源環境、社會發展、文化歷史6個領域，有中美兩國150多個中美問題專家及學者嘅評論文章。網站亦特別有欄目《外媒報中國》，將外國媒體報道中國嘅要聞以摘要形式採編，等讀者可以容易睇到。


基金會主席董建華話，網站從形式上，真正實現咗基金會促進中美雙向溝通、交流嘅宗旨。