李開復：加盟香格里拉 因住開有感情

【明報專訊】對於從事開科技行業的李開復，一提佢個名，總係離不開同蘋果、微軟、Google等科技巨擘，突然加入香格里拉（0069），出任獨立非執董一職，的確令唔少人都好出奇。小琴出名八卦，所以都搵咗李博士問下，佢到底因乜解究，突然叉咗半隻腳落酒店業務到。李博士回覆小琴話，出任獨董一職，主要係基於佢個人對香格里拉的高度認可。


李博士仲話咗個小秘密畀小琴知，就係原來香格里拉，係李博士過去25年住宿最多，亦係佢最喜愛的酒店！ 小琴當然唔放過機會，問佢同香格里拉會唔會有實際業務合作機會，李開復回應指「出任獨董，和『創新工場』業務無關」。呢個創新工場為李開復創辦的創投基金，專門係向初創企業提供服務，最近更有消息指創新工場，正計劃在內地俗稱「新三板」掛牌。


email: [email protected]

[小琴密語]