中證監災後算帳 違規減持須「自律監管」

【明報專訊】美國已故總統華盛頓斬櫻桃樹嘅故事話我哋知，犯錯唔緊要，最重要係誠實。但係今年7月中國股災，公布咗項不得減持嘅荒謬規矩，有公司唔識死照沽，事後仲好誠實咁如實公告，不過佢就無華盛頓咁好彩囉！


7月A股股災，中證監立下規矩，半年之內，持股5%以上嘅大股東不得減持股份。深圳A股同大股份就喺9月公告，話持股超過5%嘅基金股東廣東穗富，通過信託產品陸續減持74萬股，相當於總股份1.67%。


到咗噚日，中證監終於秋後算帳，話已經查明同大股份公告屬實，又話呢間廣東穗富不守承諾，要求深交所對其採取限制交易措施，同埋內地基金業協會都會出面對廣東穗富開展「自律監管」，實行殺雞儆猴。


email: [email protected]

[小琴密語]