光啟科學「噴射包」 實現載人飛行測試

【明報專訊】光啟科學（0439）早前「民用臨近空間飛行器」後，又有新搞作，今次佢嘅作品叫「P12飛行噴射包」（圖），噚日已完成咗載人飛行測試，即係睇戲或者打機成日見到嘅噴射包，終於喺現實實現。


光啟科學噚晚發公告，話佢聯營公司Martin Aircraft旗下產品「P12飛行噴射包」完成載人飛行測試，今次測試亦確認部機嘅操控同機動都比早前測試有顯著改善，希望明年下半年就可以推出市面。公司話呢部機主要用喺搜索、救援、消閒同商業用途。大唔透嘅男人，第一眼見到可能好想即刻試玩，但心底又怕成龍大哥開口中「中國造的會爆炸」。不過，今次或者不必咁憂心，事關呢間Martin Aircraft係新西蘭公司，管理層亦係以洋人居多，相信大家都會舒一口氣。


[小琴密語]