渣馬「升呢」金級賽事 爸爸領跑與視障囝囝戰10K

【明報專訊】近排香港體壇喜事浪接浪，原來上月國際田徑聯合會（IAAF）將渣打香港馬拉松明年賽事「升呢」為金級賽事。據了解，2014年香港業餘田徑總會已經想申請升呢，但未能達到「5男5女金標選手參賽」嘅規定，今年初舉行嘅渣馬，所有金標選手全數出席，所以上月終獲國際田聯許可升級，與波士頓馬拉松等大型賽事同級。


「希望有生之年陪佢」

不過，明年1月舉行嘅渣馬早前已經完成報名，參賽嘅包括何景光同埋何睿知兩父子，佢哋將會跑10公里賽事。何景光首次以領跑員身分，陪伴患有嚴重視障嘅囝囝何睿知，「我希望可以喺有生之年陪佢」。


廿四孝爸爸話，帶領失明人士跑步最緊要兩人步伐一致，但由於佢同阿仔體力同年紀好唔同，家每周練跑3次秘密練兵，每次跑5至6公里，希望可以盡力追到阿仔嘅跑步節奏。未能帶領阿仔跑步時，阿爸就唯有觀察專業領跑員點樣帶領阿仔練習跑步，阿仔睿知就話，「會好有孝心就佢（爸爸），起步注意安全就冇問題」。


明年渣馬10公里賽事會由東區走廊開始，今次睿知就可以同爸爸一齊跑吓呢條走廊，感受涼風及回應現場嘅打氣聲。