新聞類別
財經
詳情#
【明報專訊】一田百貨「良心CEO」莊偉忠（圖前），噚日就喺fb出po，教授大家做生意嘅3堂課，但小琴硬係覺得同近日既區議會某一個選區有關喎。
首先，莊偉忠話「贏，細細聲贏，自己知，自己人知，心知肚明就得」，千祈唔好係咁嘲笑對方，咁樣係「嘥時間嘥精力」，自己唔會叻咗之餘，公眾形象又差咗，仲分分鐘激起對手鬥志，傻。
第二，「輸，大大聲輸，自己知，對手知，知恥近乎勇至得」，輸又唔認，仲要砌詞狡辯，死雞撐飯蓋，唔肯正視失敗原因，傻。最後就係，「做生意係分站長途賽」，唔係一舖定輸贏，不論贏輸都要時刻保持勤力，唔好鬆懈，先至係致勝之道。
贏要細聲 輸要大聲
就咁睇落，小琴覺得同港島東區漁灣選區既區議會選舉有關。不過點都好，小琴都覺得，「勝不驕，敗不餒」，先係成功既關鍵。
email: [email protected]
[小琴密語]
首先，莊偉忠話「贏，細細聲贏，自己知，自己人知，心知肚明就得」，千祈唔好係咁嘲笑對方，咁樣係「嘥時間嘥精力」，自己唔會叻咗之餘，公眾形象又差咗，仲分分鐘激起對手鬥志，傻。
第二，「輸，大大聲輸，自己知，對手知，知恥近乎勇至得」，輸又唔認，仲要砌詞狡辯，死雞撐飯蓋，唔肯正視失敗原因，傻。最後就係，「做生意係分站長途賽」，唔係一舖定輸贏，不論贏輸都要時刻保持勤力，唔好鬆懈，先至係致勝之道。
贏要細聲 輸要大聲
就咁睇落，小琴覺得同港島東區漁灣選區既區議會選舉有關。不過點都好，小琴都覺得，「勝不驕，敗不餒」，先係成功既關鍵。
email: [email protected]
[小琴密語]
留言 (0)
