新聞類別
財經
詳情#
【明報專訊】渣打銀行推出全港首部「流動分行」，噚日喺天水圍天晴邨搞個開幕儀式，而且金管局總裁陳德霖都有出席，點解陳總咁重視？皆因據聞流動分行係佢極力促成嘅項目，主要希望方便偏遠地區嘅人都可以享用銀行服務，都算係一項德政。
服務偏遠地區
陳總發言時，再三強調銀行應該本住「以客為先」嘅精神，仲點名講話尤其係3家發鈔行，應該起一個帶頭作用。渣打大中華及北亞地區行政總裁洪丕正，被問及流動分行嘅成本時，話「成本你唔使擔心！如果反應好，我哋會考慮擴張！」明嘅明嘅，大家都係交功課，且看匯豐同中銀幾時又建立車隊。
講返架車，逢星期一到科學園，朝10晚5，星期二至五就朝9晚4，分別到馬鞍山欣安邨、長沙灣海麗邨、天水圍天晴邨同沙田碩門邨。望住兩個保安員，連槍都無支，小琴其實都幾擔心，洪丕正就話，保安方面絕對做足，架車本來只重2噸，加厚外牆，四周加設鋼板，又裝上防彈玻璃後，即成架車變5噸重。
email: [email protected]
[小琴密語]
留言 (0)
