匯豐管理層 中大執教鞭

【明報專訊】匯豐呢期人事變動消息頻頻，上上下下都好唔得閒。不過，大機構講求分工合作，佢哋各部門繼續做好本分，匯豐保險就首次同中文大學工商管理學院，搞咗個保險、財務與精算學課程。小琴聽聞，匯豐保險嘅管理層，會親自教書，教足10幾堂，真係唔話得。

教足10堂 包括保險財務精算學

嗰課程睇落好吸引，可以點樣報名？原來，呢個課程並唔係公開報讀，只限於本科生的二年及三年級生，先可以報讀。

課程會喺今年第二個學期開班，相信會有好多人報名，據了解，學校會甄選有意報讀嘅學生。匯豐今個星期五會舉行記者會，公布合作詳情，有興趣報讀嘅同學唔可以錯過。話晒教書嘅都係匯豐管理層，學生上堂、功課表現好的話，仲好有機會入去匯豐打工添。