會計師公會選舉大鬥法

【明報專訊】一年一度嘅香港會計師公會選舉又嚟啦！噚日率先選出新一屆理事（今日公布），今個星期五（11日）就會選出新一屆會長同埋兩位副會長。小琴聽業界朋友講，今屆好大機會由兩位現任副會長、即係陳美寶同張穎嫻大鬥法。不過中小型會計師行大聯盟召集人之一，又係公會理事，同樣有權競逐會長嘅鄭中正，唔知會唔會化身「程咬金」，攔途截劫呢？


公會會長同副會長必須係應屆理事，理事任期兩年。14位當選理事中，一半係「二年級生」，一半係「一年級生」，今屆「一年級生」會喺下屆自動成為新一屆當選理事之一；而今屆嘅「二年級生」如果想繼續做理事，就要重新選過。小琴收到風話，鄭中正家正正係「一年級生」，所以佢只要搵到兩位理事提名，已經可以「出閘」，唔知佢會唔會為咗「化解」公會同中會聯嘅誤會，而走出嚟競逐會長呢？


[小琴密語]