立會考察星海水化淡 貴過豪華團

【明報專訊】立法會發展事務委員會打算明年3月外訪新加坡，考察新加坡開拓唔同供水來源嘅經驗，包括發展海水化淡同再造用水，同當地制訂、推行同監察供水管理策略嘅組織交換意見。呢個4日3夜考察團預算開支盛惠每人13,266元（見表）。Emily睇過坊間旅行社嘅4日3夜新加坡豪華團，食宿包埋旅遊景點門票，都係12,000元左右。


發展事務委員會噚日向內務委員會提交一份考察團簡介文件，徵求內會批准有關外訪。去年立法會交通事務委員會都去過新加坡考察交通，同樣係4日3夜，但就平2000蚊，每人開支約11,000元。


今次外訪用錢最多都係酒店方面，每晚每人1900港元，Emily去旅遊網站搵吓呢個價位嘅酒店，大部分都係知名嘅五星級酒店。