駐軍探訪 幼園生列隊歡迎

【明報專訊】解放軍駐港部隊20多個官兵噚日去咗香港仔一間幼稚園探訪，為小朋友送上聖誕新年禮物。新華社報道，駐港部隊展開「關愛幼童」活動，探訪幼稚園時，小朋友喺門口列隊，以鼓樂歡迎官兵，有3個小旗手手持五星紅旗進場，仲喺國歌聲中舉行升旗儀式。官兵同細路一齊玩遊戲、做手工，製作聖誕禮物，準備下星期冬至時，再一齊去老人院探訪。