新聞類別
財經
詳情#
【明報專訊】吳得掂局長最近嘅所作所為，筆者只能夠用「匪夷所思」去形容，好似佢咁蠢嘅人竟然可以從政，仲做埋局長，每個月攞納稅人血汗出糧，不單止前無古人，在中外社會都極之罕見，香港人做咗乜嘢錯事，竟然會畀個咁嘅貨色去照顧我哋下一代嘅教育？
有名你叫，吳得掂局長有幾多斤両，香港市民其實早已經無晒期望，但萬估唔到佢竟然可以喺過去一個月內，接二連三出醜﹕先係自稱每月睇30本書，惹來各界恥笑，演講時將《財富》雜誌（Fortune）講成「幸福」雜誌，TSA政治炸彈一觸即發，佢竟然趁立法會開公聽會，被踢爆去日本遊埠睇紅葉。這邊廂被挖苦放假，那邊廂佢仍然肆無忌憚，跟一班準備去日本交流嘅學生分享遊日心得，然後日本旅遊達人上身，句句離不開食同玩……撇開個人操守與政治道德不談，如此低B的政治敏感度，竟然可以做一局之長？那簡直是笑話！但無助的香港人面對如此大笑話，又怎會笑得出？
特區鐵板一塊 吳烏紗可保
如此不知所謂兼犯眾憎嘅庸官，今天若在大陸出現，應該早已人間蒸發，唯有在梁特治下嘅特區政府，先至可以繼續獻世，丟人現眼。其實，從最功利的角度計算，梁特若趁吳得掂惹得天怒人怨，趁此機會迅速宣布炒人易帥，肯定可以撿到一些便宜掌聲，有望令佢嘅民望從谷底反彈，但特區政府如今擺出嘅姿態卻始終係鐵板一塊，即使建制盟友們個個「單晒眼」，梁特政府還是態度依舊，堅持保留TSA，不肯為盟友「鬆將」，如此局勢，吳得掂短期內應該保得住頭上烏紗。
兩個老闆躲身後享清靜
不過，堅持不撤TSA，不炒吳得掂，梁特同佢嘅班子會願意為吳擋箭。縱觀過去一個月，梁特基本上由得吳得掂一個在外被圍攻，曾經被稱為「局長奶媽」嘅政務司長林鄭月娥，對於TSA這個火頭同樣避之則吉。兩人身為吳得掂嘅老細，都選擇靜雞雞躲在吳嘅身後，讓下屬幫自己擋箭，自己亦可以趁吳被圍攻享受一刻的寧靜。林鄭話自己「官到無求膽自大」，既然無求又大膽，點解仲咁珍惜羽毛，唔肯出嚟擋兩刀？答案唔使劃公仔劃出腸。Talk is cheap，行動才是最誠實。
一變「梁粉」 信念向左走
近日工商圈子另一則八卦話題，係曾經擔任廠商會會長嘅積金局主席黃友嘉，竟然公開話政府可以考慮取消強積金遣散費對冲，仲被親政府報章放在頭版報道。聽聞當日報道出街，好多官同中小企老闆都跳起身，大家都問﹕積金局主席咁講，係咪代表政府立場？政府事後無回應，當然亦不了了之。不過，黃主席呢番言論，肯定傷害咗唔少工商界盟友嘅感情，有人更問，黃友嘉師承美國芝大，如今一變「梁粉」，信念立場都會隨之向左走！筆者奉勸黃，梁特面對工商界手上數百選票，又會否輕易落實取消對冲？如今有人聲言要落實政綱，好可能都只係向勞工界賣口乖的緩兵之計，如今若跟車太貼，他日梁特順應現實180度轉軚，肯定無人可憐！
[應正亮 廿四味]
有名你叫，吳得掂局長有幾多斤両，香港市民其實早已經無晒期望，但萬估唔到佢竟然可以喺過去一個月內，接二連三出醜﹕先係自稱每月睇30本書，惹來各界恥笑，演講時將《財富》雜誌（Fortune）講成「幸福」雜誌，TSA政治炸彈一觸即發，佢竟然趁立法會開公聽會，被踢爆去日本遊埠睇紅葉。這邊廂被挖苦放假，那邊廂佢仍然肆無忌憚，跟一班準備去日本交流嘅學生分享遊日心得，然後日本旅遊達人上身，句句離不開食同玩……撇開個人操守與政治道德不談，如此低B的政治敏感度，竟然可以做一局之長？那簡直是笑話！但無助的香港人面對如此大笑話，又怎會笑得出？
特區鐵板一塊 吳烏紗可保
如此不知所謂兼犯眾憎嘅庸官，今天若在大陸出現，應該早已人間蒸發，唯有在梁特治下嘅特區政府，先至可以繼續獻世，丟人現眼。其實，從最功利的角度計算，梁特若趁吳得掂惹得天怒人怨，趁此機會迅速宣布炒人易帥，肯定可以撿到一些便宜掌聲，有望令佢嘅民望從谷底反彈，但特區政府如今擺出嘅姿態卻始終係鐵板一塊，即使建制盟友們個個「單晒眼」，梁特政府還是態度依舊，堅持保留TSA，不肯為盟友「鬆將」，如此局勢，吳得掂短期內應該保得住頭上烏紗。
兩個老闆躲身後享清靜
不過，堅持不撤TSA，不炒吳得掂，梁特同佢嘅班子會願意為吳擋箭。縱觀過去一個月，梁特基本上由得吳得掂一個在外被圍攻，曾經被稱為「局長奶媽」嘅政務司長林鄭月娥，對於TSA這個火頭同樣避之則吉。兩人身為吳得掂嘅老細，都選擇靜雞雞躲在吳嘅身後，讓下屬幫自己擋箭，自己亦可以趁吳被圍攻享受一刻的寧靜。林鄭話自己「官到無求膽自大」，既然無求又大膽，點解仲咁珍惜羽毛，唔肯出嚟擋兩刀？答案唔使劃公仔劃出腸。Talk is cheap，行動才是最誠實。
一變「梁粉」 信念向左走
近日工商圈子另一則八卦話題，係曾經擔任廠商會會長嘅積金局主席黃友嘉，竟然公開話政府可以考慮取消強積金遣散費對冲，仲被親政府報章放在頭版報道。聽聞當日報道出街，好多官同中小企老闆都跳起身，大家都問﹕積金局主席咁講，係咪代表政府立場？政府事後無回應，當然亦不了了之。不過，黃主席呢番言論，肯定傷害咗唔少工商界盟友嘅感情，有人更問，黃友嘉師承美國芝大，如今一變「梁粉」，信念立場都會隨之向左走！筆者奉勸黃，梁特面對工商界手上數百選票，又會否輕易落實取消對冲？如今有人聲言要落實政綱，好可能都只係向勞工界賣口乖的緩兵之計，如今若跟車太貼，他日梁特順應現實180度轉軚，肯定無人可憐！
[應正亮 廿四味]
留言 (0)
