新聞類別
副刊
詳情#
【明報專訊】數數下，原來今期係Happy Mama 2015年最後一次寫呢個專欄啦！回顧2015年，有關教育、家長同小朋友嘅新聞都唔少，喜怒哀樂事事皆有。
今年大熱人物必數《五個小孩的校長》真人版校長呂麗紅，佢以極低薪酬救回一間面臨倒閉嘅幼稚園，嗰份對教育嘅熱誠真係令Mama心服口服；而令小朋友最難忘嘅人物，就可能要數動畫《玩轉腦朋友》中阿樂、阿愁同阿躁等情緒專員，到今日大家都仲會將佢哋個名掛喺口邊，用嚟代表自己心情呢！
不過講到令家長憤怒嘅事就一單接一單！年初有鼓吹面試班風氣嘅「你不愛競爭，但競爭自會搵上你」的誇張廣告，掀動一眾非怪獸家長情緒；到年中基真小學學生墮樓慘劇死因裁判，反映出學校危機處理指引嘅漏洞，令唔少家長同教師都非常憤怒；最後當然唔少得TSA風波啦！可惜呢件事到而家仲未得到一個圓滿解決，睇嚟要我哋嘅仔女開心成長，仲要靠大家努力去爭取。
好媽媽以身作則 積極迎接未來
至於今年傷心嘅事亦特別多，相信唔少人記得今年1月播映咗10年的兒童節目《放學ICU》告別觀眾，同時經典卡通配音員林保全亦係1月初離開我哋，令唔少大朋友齊齊嘆息童年回憶所餘無幾。其實天下無不散之筵席，最重要係識得點樣積極迎接未來。好似Mama其中一個媽媽級老友陳倩揚，雖然年尾被《東張西望》飛走，但係佢都好樂觀，仲話而家多咗時間陪一對兒子放假，啱啱先同佢哋去咗台灣旅行。佢笑住話未來可以實踐佢一連串計劃，包括教啲媽媽DIY天然護膚品，同埋讀番個Master，做啲自己想做好耐嘅事。
所以計Mama話，一個人無論遇到咩事，心態最重要，分分鐘苦事都可以變樂事，而且仔女仲會睇住你作為榜樣。你想佢哋點過2016年？相信醒目嘅爸媽都識做啦！
今年大熱人物必數《五個小孩的校長》真人版校長呂麗紅，佢以極低薪酬救回一間面臨倒閉嘅幼稚園，嗰份對教育嘅熱誠真係令Mama心服口服；而令小朋友最難忘嘅人物，就可能要數動畫《玩轉腦朋友》中阿樂、阿愁同阿躁等情緒專員，到今日大家都仲會將佢哋個名掛喺口邊，用嚟代表自己心情呢！
不過講到令家長憤怒嘅事就一單接一單！年初有鼓吹面試班風氣嘅「你不愛競爭，但競爭自會搵上你」的誇張廣告，掀動一眾非怪獸家長情緒；到年中基真小學學生墮樓慘劇死因裁判，反映出學校危機處理指引嘅漏洞，令唔少家長同教師都非常憤怒；最後當然唔少得TSA風波啦！可惜呢件事到而家仲未得到一個圓滿解決，睇嚟要我哋嘅仔女開心成長，仲要靠大家努力去爭取。
好媽媽以身作則 積極迎接未來
至於今年傷心嘅事亦特別多，相信唔少人記得今年1月播映咗10年的兒童節目《放學ICU》告別觀眾，同時經典卡通配音員林保全亦係1月初離開我哋，令唔少大朋友齊齊嘆息童年回憶所餘無幾。其實天下無不散之筵席，最重要係識得點樣積極迎接未來。好似Mama其中一個媽媽級老友陳倩揚，雖然年尾被《東張西望》飛走，但係佢都好樂觀，仲話而家多咗時間陪一對兒子放假，啱啱先同佢哋去咗台灣旅行。佢笑住話未來可以實踐佢一連串計劃，包括教啲媽媽DIY天然護膚品，同埋讀番個Master，做啲自己想做好耐嘅事。
所以計Mama話，一個人無論遇到咩事，心態最重要，分分鐘苦事都可以變樂事，而且仔女仲會睇住你作為榜樣。你想佢哋點過2016年？相信醒目嘅爸媽都識做啦！
留言 (0)
