６．「同股不同權」兩老闆

【明報專訊】「同股不同權」這詞由2013年至今，幾乎年年都會打入回顧榜，今年亦不例外。而且今年6月就「同股不同權」事件，證監會還同港交所鬧出「大老闆與二老闆」一場「花生SHOW」，自然吸睛。「同股不同權」諮詢搞了大半年都未能出台，突然港交所就在今年6月19日，就住有關「同股不同權」諮詢文件出總結，話會再正式諮詢。


正當全世界以為兩個監管機構終於傾掂數，開綠燈放行之際，點知唔夠一個禮拜，即6月25日，證監會就發出一份聲明，講到明唔Buy「同股不同權」，話保障唔到投資者，擺明車馬同港交所「打對台」。全世界即刻做晒「花生友」，等睇好戲。諗住「你一句、佢一句」，可以睇完場？


銀行家出身的李小加，打圓場工夫了得，一句「大老闆講的說了算」，「大佬出到聲，做細的有乜理由唔聽？」港交所就在今年10月宣布擱置研究「同股不同權」。不過場戲是否真的做完？戲子永遠都在尾段留伏線做下集。