山水總部爆黑幫大戰

【明報專訊】處於多事之秋嘅山水水泥（0691），除咗近期報警處理文件失竊事件之外，其山東總部仲喺幾日前發生暴力事件。公司聲稱，前任董事陳學師連同一群黑幫成員強行闖入，破壞財物，仲襲擊僱員，十足十電影《古惑仔》橋段，而目前公司已恢復日常營運同生產。


十足《古惑仔》橋段

正所謂「一波未平一波又起」。事源喺上個月27日，山水位於山東總部畀前任董事陳學師，連同一班黑幫成員闖入總部，佢哋除咗破壞財物之外，連員工都唔放過，照打無誤，認真「狼死」。好彩，一啲都唔似學師仔嘅陳學師，同黑幫最後已被當地公安捉咗去查問同調查，而山東山水目前已恢復日常營運及生產。而噚日公司發表公布，交代文件失竊事件，當中指早前公司就懷疑帳簿、記錄、重要文件及電子數據被盜報警，現時香港商業罪案調查科已著手處理。


[小琴密語]