警隊招募海外畢業生 女督察拍片力sell

【明報專訊】自從佔領運動後，警隊喺大學做招募工作唔係咁容易，次次去親做招募講座都遇到學生示威或抗議，有時仲搞到要取消講座。噚日Emily就發現警隊喺YouTube同網頁上載咗一條短片吸引海外畢業生投考警隊，唔知係咪要要擴大戰線招募呢？


水警總區高級督察Madam曾潔盈（圖）喺片段全程講英文，話自己喺美國讀工程，畢業後返香港讀埋碩士後就喺商業機構做研究工程師，之後為咗尋求更有意義同多元化嘅工作所以加入警隊。片段仲力sell警隊係大家庭，仲有唔同活動令大家有work-life balance