高盛帶芬佬 去Prada總部朝聖

【明報專訊】女人就算幾無錢，都總會買一兩件名牌傍身，好似意大利名牌Prada，在中環金融界有唔少追捧者，前排傳出Prada有興趣下年嚟香港上市，近排就聽聞高盛帶咗一班「芬佬」（基金經理），特登去意大利Prada總部睇吓，希望佢哋喺出年上市時多多支持咁話。唔知班「芬佬」到意大利朝聖，除咗留意Prada嘅投資價值外，會唔會掃番一篋名牌袋、名牌衫，慰勞吓自己呢？

暗示高盛接到IPO生意

不過呢單料仲有一個要留心嘅地方，就係呢個團嘅領隊，落咗喺高盛身上。Prada之前講到明，話未請投行做保薦人，而家由高盛帶隊，即係暗示高盛又接到大IPO生意；不過都「正路」嘅，畢竟Prada之前上市失敗，都係由高盛做保薦，今次都只係「再續前緣」啫！